2021-12-10, ხუთშაბათი

კომპლექსური დავალების პირობა:

გიორგის საკუთარი მცირე მეურნეობა აქვს. მან თავის ნაკვეთზე კარტოფილი დათესა და უხვი მოსავალიც მიიღო 3 ტონა. გიორგიმ გადაწყვიტა თვითონ მოეხდინა თავისი მოსავლიდან ნაწილის რეალიზება და ამისათვის მან გადაწყვიტა ყუთების შეძენა მაღაზიაში. შინ მისულმა კი აღმოაჩინა, რომ ყუთები ზომით განსხვავდებოდა. გიორგიმ სარეალიზაციო კარტოფილი 4 ყუთში ისე გაანაწილა, რომ თითოეულში აღმოჩნდა წინაზე 50კგ-ით მეტი კარტოფილი.

თქვენ შეგიძლიათ ამოცანა შეცვალოთ და ამოხსნათ ნებისმიერი ბოსტნეულის და ხილის ბიზნესისთვის, მოყვანილი მოსავლის მთლიანი წონა და ყუთებში კილოგრამების განაწილებაც შეცვალეთ თქვენი სურვილის მიხედვით.

შენს მიერ წარმოდგენილ პრეზენტაციაში:

1. ჩაწერე ასოითი გამოსახულება, რომელიც აღნიშნავს სარეალიზაციოდ გატანილი კარტოფილის რაოდენობას;
2. რამდენი კგ კარტოფილი მოთავსდა თითოეულ ყუთში, თუ გიორგიმ სულ სარეალიზაციოდ გაიტანა 2700კგ კარტოფილი, თქვენ რამდენი კილოგრამის გაყიდვას ფიქრობთ?
3. შეადგინე რიცხვითი გამოსახულება და იპოვე სარეალიზაციოდ გატანილი კარტოფილის ოდენობა, თუ პირველ ყუთში იქნებოდა 200 კგ ბოსტნეული/ხილი;
4. თუ გიორგი გადაწყვეტს აღნიშნული პრინციპით დამზადებული მეხუთე ყუთის შევსებას, ეყოფა თუ არა მას ამისათვის კარტოფილის დარჩენილი რაოდენობა? თქვენი ბიზნესის წარმოებისთვის საკმარისი იქნება თქვენი პროდუქტი მეხუთე ყუთისთვის?
5. შენი მეგობრისათვის მოიფიქრე საყოფაცხოვრებო სიტუაციის ამსახველი ანალოგიური ტიპის ისეთი ამოცანა, რომლის ამოსახსნელადაც მას დაჭირდება განტოლების შედგენა.

ნაშრომში ხაზგასმით წარმოაჩინეთ:

1. როგორ გამოისახება უცნობი სიდიდე (საგანთა უცნობი რაოდენობა);
2. როგორ არის შესაძლებელი ალგებრული გამოსახულებების გამოყენება მათემატიკური ამოცანებისა და რეალური ვითარების წარმოდგენისა და განზოგადებისათვის?
3. ამოცანის პირობიდან გამომდინარე როგორ შეიძლება რიცხვითი თვისებების გამოყენება გამოთვლების გასამარტივებლად?
4. როგორ ხდება რეალური ცხოვრებაში მიმდინარე პროცესის შესაბამისი განტოლების (ცვლადის შემცველი გამოსახულების) ჩაწერა?

რეკომენდაციები მოსწავლეს - იმისათვის, რომ გაგიმარტივდეს დავალების შესრულება შენ უნდა იცოდე:

1. რა არის ცვლადი და რას შეიძლება აღნიშნავდეს;
2. რას ეწოდება რიცხვითი გამოსახულება? ასოითი(ალგებრული);
3. რას არის განტოლება;
4. რა განსხვავებაა ასოით გამოსახულებასა და რიცხვით გამოსახულებას შორის;
5. რა განსხვავებაა ასოით გამოსახულებასა და განტოლებას შორის?

ნაშრომი წარმოადგინე პრეზენტაციის (პროგრამაში: PowerPoint, Word, Paint ან ფურცელზე ნაშრომის) სახით.

ამოცანების ამოხსნა, განტოლებები

---

შეფასება - მოსწავლემ უნდა შეძლოს:

1. დააკავშიროს რაოდენობები, ობიექტები ან/და მოვლენები ერთმანეთთან;
2. სიდიდეებს შორის არსებული დამოკიდებულების გამოსახვა სხვადასხვა ხერხით: ცხრილი, სქემა, გრაფიკი...;
3. უცნობი სიდიდის გამოსახვა ცვლადის საშუალებით;
4. ალგებრული გამოსახულებების გამოყენება მათემატიკური ამოცანებისა და რეალური ვითარებების წარმოდგენისა და განზოგადებისათვის;
5. რიცხვითი თვისებების გამოიყენება გამოთვლების გასამარტივებლად;
6. ყოველდღიურ ცხოვრებაში წამოჭრილი ამოცანების ამოხსნა განტოლებებისა და უტოლობების გამოყენებით
7. სტანდარტული ერთეული დააკავშიროს სხვადასხვა სიდიდეს მახასიათებლის მიხედვით
8. იმსჯელოს, გააანალიზოს, გაზომვის შედეგად მიღებული სიდიდის, მოვლენის რაოდენობრივ მახასიათებლებსა და შესაბამის ერთეულებზე
9. იმსჯელოს, გაზომვის შედეგების სანდოობაზე. გაიაზროს, რომ გაზომვის შედეგები მხოლოდ იმ შემთხვევაშია სანდო, თუ გაზომვა სტანდარტული ერთეულებით და სტანდარტული ხელსაწყოებით ხორციელდება