2020-10-29, ხუთშაბათი

წარმოიდგინე, რომ აპირებ კარტოფილის დათესვას. გაქვს 250 მეტრის სიგრძის ღობე, რომლითაც უნდა შემოსაზღვრო მართკუთხედის ფორმის მიწის ნაკვეთი. ვიცით, რომ ერთ კვადრატულ მეტრზე საშუალოდ 2 კილოგრამი კარტოფილი ითესება და მოსავალი საშუალოდ 20 კილოგრამია. დასათესი და გასაყიდი კარტოფილის ფასი თანაბარია 2 ლარი.

გააკეთე მიწის ნაკვეთის რამდენიმე (სამზე მეტი) ნახაზი და დაადგინე, როგორი სიგრძე - სიგანე უნდა ჰქონდეს შენ ნაკვეთს, რომ კარტოფილის მოსავალი და ფინანსური მოგება მაქსიმალური იყოს.

იხილეთ რამდენად შრომატევადია კარტოფილის დათესვა და შემდგომ შეგროვება:

შენ მიერ შექმნილ „პრეზენტაციაში“ ხაზგასმით წარმოადგინე:

1. მიწის ნაკვეთის ნახაზები, მისი სიგრძისა და სიგანის მითითებით;
2. კარტოფილის მოყვანის ხარჯები დაანგარიშებული (დათესვა, გათონხნა-შემოყრა, მორწყვა, აღება …);
3. სადაზღვევო ხარჯები: სტიქიამ თუ დაგიზიანა მოსავალი წაგებული რომ არ დარჩე;
4. საწყისი თანხის და სავარაუდო მოგების ოდენობა ხარჯების გათვალისწინებით.

უპასუხე კითხვებს:

1. ერთნაირი პერიმეტრის ფიგურებს, აუცილებლად ტოლი ფართობები აქვთ? მოიყვანე მაგალითები;
2. რა შეგიძლია თქვა ფართობის ცვლილებასთან დაკავშირებით? რას ამჩნევ?
3. კიდევ რაში შეიძლება გამოგადგეთ მიღებული გამოცდილება მომავალში.

პრაქტიკული რჩევები კომპლექსურ დავალებაზე მუშაობისთვის:

1. ღობის სიგრძე წარმოადგენს მართკუთხედის პერიმეტრს;
2. დავალების შესასრულებლად შეგიძლია გამოიყენო მოცემული ცხრილი:

შენიშვნა:

1. დავალება სასურველია შესრულდეს პროგრამაში: Word ან PowerPoint
2. მართკუთხედის პერიმეტრი და ფართობის შესახებ ინფორმაციის სანახავად:
   გადადით ბმულზე
3. სადაზღვევო ხარჯების შესახებ დამატებითი ინფორმაციის სანახავად:
   გადადით ბმულზე